Поради силниот ветер денеска дрво падна во Соколанскиот парк, информираше директорот на Јавното претпријатие „Чистота и зеленило“, Ненад Стојановски.
Како што додава во инцидентот нема повредени, но нанесена е материјална штета, а од приложените фотографии може да се види дека најмалку една клупа е оштетена.
– Постои потенцијална опасност од дополнителни паднати гранки и дрвја. Ве молиме избегнувајте движење низ парковите и зелените површини додека трае нестабилното време со засилен ветер, вели Стојановски.
Надлежните служби, како што додава, се на терен и работат на расчистување.
Никола Ивановски