Драматичен инцидент се случи во виенскиот округ Леополдштат во среда наутро кога две деца на возраст за основно училиште исчезнаа на пат кон училиште.
Според досегашните информации, двете момчиња, на возраст од седум и осум години, отишле на училиште околу 7:45 часот, но никогаш не стигнале таму.
Нивното исчезнување било брзо пријавено, по што била започната обемна полициска операција.
Случајот за австрискиот портал Heute.at го потврдила прес-службата на полицијата, но без да даде подетални информации за околностите на исчезнувањето.
Според неофицијалните информации на тој медиум, во центарот на истрагата е таткото на децата, државјанин на Сирија, кој е осомничен за киднапирање.
Истражителите не ја исклучуваат можноста тој да ја напуштил Австрија со децата.
Полицијата апелира до граѓаните веднаш да пријават какви било информации што би можеле да помогнат во пронаоѓањето на децата преку бројот за итни случаи 133.
Потрагата по момчињата продолжува.