Поради пожарот кој избувна денеска кај Ајфеловата кула, туристите се евакуирани!
Ајфеловата кула е главната туристичка атракција на Париз, главниот град на Франција, и секоја година ја посетуваат милиони туристи.
Засега нема извештаи за повредени, објави Мирор.
Туристичката атракција е затворена додека не се изгасне пожарот, пренесоа француските медиуми.
Според непотврдени информации, пожарот настанал во отворот на лифтот меѓу првиот и вториот кат.
Противпожарните екипи излегоа на терен и пристапот до граѓаните е ограничен.
Извори блиски до полицијата информираат дека се евакуирани околу 1.200 луѓе, главно туристи.
Причината за пожарот наводно е прегревање на каблите што се користат за подигнување на лифтовите, објави Метро Њуз.
На социјалните мрежи корисниците коментираат дека се уште се свежи сеќавањата за големиот пожар кога изгоре познатата катедрала Нотр Дам, која неодамна беше целосно реконструирана и отворена за јавноста по речиси пет години.