Јужнокорејските истражители не успеаја да извршат налог за апсење на суспендираниот претседател Јун Сук Јеол, соопшти денеска Канцеларијата за истраги за корупција на високи функционери.
Инспекторите ја напуштија резиденцијата по шест часа преговори, пренесе АП.
Членови на Антикорупциската агенција (ЦИО) вчера отидоа во резиденцијата на Јун за да извршат налог за негово апсење како дел од истрагата за неговиот неуспешен обид да воведе воена состојба, објави Јонхап.
Членови на Канцеларијата за истраги на високи функционери беа видени во раните утрински часови како товарат кутии со непозната содржина во неколку возила пред да заминат за Сеул од градот Гачеон.
Полицијата беше блокирана од безбедносните сили на претседателот во обид да го уапсат.
Илјадници полицајци се собраа пред резиденцијата на Јун.
Полицијата насилно растера околу 30 поддржувачи на Јун, откако тие ја пробија полициската бариера за да протестираат пред влезот на претседателската резиденција.
Ова е втор обид за апсење на Јун, откако истражителите не успеаја да извршат налог за апсење еден ден претходно, бидејќи илјадници луѓе се собраа пред неговата резиденција за да го спречат неговото апсење.
ЦИО доби налог за апсење на Јун откако тој ги игнорираше сите три покани да се појави на сослушување како дел од заедничката истрага на ЦИО со истражните единици на полицијата и Министерството за одбрана за воената состојба од 3 декември.