31-годишен маж е уапсен во Мексико поради наводен обид да киднапира комерцијален лет и да го пренасочи авионот во САД.
По полетувањето од градот Леон, маж од мексиканска националност станал и ја нападнал стјуардесата и се обидел да влезе во пилотската кабина.
Авионот потоа бил пренасочен во Гвадалахара, каде што бил уапсен од мексиканската национална гарда.
Се уште не е познат мотивот за неговиот напад, пишува ABC News.
Федералното министерство за безбедност на Мексико соопшти дека екипажот на летот пријавил дека човекот рекол дека близок роднина бил киднапиран.
Покрај тоа, непосредно пред полетувањето добил смртна закана доколку отпатува во Тихуана.
Мажот патувал со сопругата и двете деца, а откако бил уапсен во Гвадалахара, авионот без инциденти го продолжил летот за Тихуана.
Así fue sometido, por pasajeros, el hombre que iba en el vuelo 3041 de Volaris en la ruta Bajío-Tijuana quien trató de apoderarse de la aeronave para desviarla hacia EEUU pic.twitter.com/UbHDyvdwHN
— Azucena Uresti (@azucenau) December 8, 2024