Развод, работа, патување, семејството. Постојат многу причини зошто вашиот сексуален живот може да страда. Но, дали знаевте дека недостатокот на сексуален однос може негативно да влијае на здравјето?
Еве и како!
Напади на нервоза
Сексот понекогаш служи како издувен вентил, а шкотските научници се согласуваат дека луѓето кои апстинираат од секс потешко издржуваат на стресни ситуации како што се јавни настапи, за разлика од оние кои имале односи во последните две недели.
За време на сексот, мозокот ослободува хормони на „среќа“ кои ве релаксираат, велат експертите.
Мажи, поголема е веројатноста да заболите од рак на простата
Мажите кои се воздржуваат од секс, ја пропуштаат заштитата што ја обезбедува честата „употреба“ на простатата.
Една студија претставена на Американското здружение за урологија вели дека мажите кои често имаат секс имаат 20% помали шанси да заболат од рак на простата.
Причината веројатно би била тоа што потенцијалните штетни работи се отстрануваат од простатата за време на ејакулацијата.
Ослабен имунолошки систем
Недостаток на сексуална активност може да го ослаби вашиот имунолошки систем и да ви ги одземе сите придобивки што ги дава.
Научниците од Пенсилванија откриле дека луѓето кои уживаат во секс двапати неделно, уживаат и во 30% зголемување на ослободувањето на имуноглобулин (IgA), што е прва линија на одбрана на организмот од вирусот.
Расте несигурноста во односите
Без секс, има помалку среќа, врска и сигурност со партнерот. Животот без секс во брак може негативно да влијае на самодовербата, затоа се раѓаат сомневања за верноста на партнерот.
За да избегнете параноја и можно раскинување, држете се за раце, бакнувајте и подарете неочекувани подароци… Покажете дека се грижите и тоа ќе ви помогне повторно да се зближите со партнерот.
Мажи, вие сте изложени на ризик од еректилна дисфункција
Дали избегнувате секс? Не го правете тоа… Имено, мажите кои многу ретко водат љубов имаат двојно поголема веројатност да доживеат еректилна дисфункција, покажува студијата објавена во Американскиот весник за медицински работи.
Авторот на студијата верува дека, бидејќи пенисот е мускул, редовниот секс може да одржи силна ерекција исто како што вежбањето може да ги одржи мускулите силни.
Можеби сте депресивни, но не од очигледна причина
Жените почесто паѓаат во депресивни состојби без секс, но не мора да значи дека недостаток на секс е причина за депресија. Студија објавена во „Журнал за архиви за сексуално однесување“ открива дека жените чии партнери користат кондом можат да бидат подеднакво депресивни.
Научниците веруваат дека тоа се должи на одредени компоненти на спермата, како што се мелатонин, серотонин и окситоцин, кои можат директно да влијаат на расположението на жената.