Времето денеска во Македонија претпладне ќе биде со магла или ниска облачност по одделни котлини. Во текот на денот сончево со мала до умерена облачност.
Како што информираат од Управата за хидрометеоролошки работи, ќе дува слаб до умерен ветер од северен правец.
Минималната температура ќе биде во интервал од 0 до 9, а максималната ќе достигне од 16 до 21 степен.
Во Куманово и околината денеска ќе имаме претежно сончево време со мала облачност. Ќе дува слаб до умерен ветер од северен, односно северозападен правец.
Утринската температура ќе се движи околу 4 степени, а максималната дневна се очекува да се искачи до 16 степени целзиусови.
До петок времето ќе биде стабилно и претежно тивко со магла по одделни котлини.
За време на викендот ќе биде ветровито со зголемена облачност и повремени врнежи од дожд, а дневната температура позначително ќе опадне.
Никола Ивановски