Во петок истекува рокот за обнова на документација за остварување на правата од областа на социјална заштита. Од Министерството за труд и социјална политика апелираат сите граѓани кои не ги обновиле документите тоа да го стоар во Центарот за социјална заштита и да се пријават.
Со себе треба да понесат лична карта и да дадат изјава за согласност за користење на нивните лични податоци во постапката, а сите други документи ќе бидат обезбедени преку службена должност од УЈП, ПИОМ, Катастарот, Агенцијата за вработивање, МВР, Управа за водење матични книги, Народна Банка и Агенција за финансиска поддршка на земјоделството и руралниот развој.
Постапката е започната на 19 декември минатата година, а до сега за обнова се пријавила околу 22 илјади корисници.
Во тек е и обновата на документацијата за детските права, односно посебниот додаток за дете, детски додаток и родителски додаток за трето и четврто дете. Обновата ќе трае до 31 март годинава. Лани право на родителски додаток за трето дете оствариле 23.246 корисници, а за четврто 814.
За посебен додаток се потребни лични карти од двајцата или еден родител на увид во оригинал, за право на детски додаток – висина на плата од работодавачот за претходна година и потврда за редовен ученик, а за родителски додаток за трето или четврто дете, потврди за вакцина, потврда од суд за неодземено родителско право, и доколку детето за кое е остварено правото е на школска возраст потврда за редовен ученик.