Кумановскиот градоначалник и претседател на Движењето ЗНАМ – За наша Македонија, Максим Димитриевски заклучно вчера собрал скоро 6.000 потписи за поддршка на својата кандидатура за претседател.
Димитриевски е втор по бројот на поддршката што ја добил досега од граѓаните (5.923), но му недостасуваат уште 4.077 потписи.
Досега никој од потенцијалните кандидати не ги собрал потребните 10.000 потписи, а најблизу тоа да го стори прв е кандидатот на ДУИ Бујар Османи. Тој заклучно вчера собрал 8.560 потписи.
За претседателската кандидатка на Левица, Билјана Ванковска-Цветковска, која е трета по број на собрани потписи се потпишале вкупно 4.478 лица.
Следува кандидатот на ГРОМ, Стевчо Јакимовски, со 3.091, па кандидатот на опозициските партии на Албанците, Арбен Таравари со вкупно 1 645.
Никола Ивановски