Хуманитарно Здружение „Мајка“ од Куманово заедно со Коалиција на младински организации СЕГА од Прилеп, МЦГО од Скопје, СПМД од Кавадарце и ЦЕД од Теарце, трета година по ред ја одбележуваат Неделата на детето со поддршка од детската фондација Pestalozzi од Троген ,Швајцарија оваа година под мотото „Детски права во светот без предрасуди“.
Сите горенаведени организации заедно со детската фондација Pestalozzi ги промовираат недоволните познавања на младите луѓе како и возрасните за почитувањето и примената на детските права, меѓукултурниот јаз помеѓу децата од различни етникуми како и потребата од подигнување на свеста за потребата од интеркултурното образование и комуникација.
Оваа лето 40 млади од Македонија од кои 10 од Куманово на возраст од 15-16 години беа на интеркултурен камп во Детското село на Pestalozzi во Троген – Швајцарија. За време на нивниот престој учесниците имаа можност да уживаат во прекрасната природа и чист воздух, а воедно и да се здобијат со повеќе информации од повеќе области како: решавање на конфликти, миграции и граѓанско право, медиуми, ЛГБТ-рамноправност на полови, интеркултурна комуникација.
Со размена на искуства, учење на нови нешта, запознавање на други култури, нашите претставници изготвија акциони планови со кои испланираа неколку настани за одбележување на Неделата на детето. Групата од Куманово спроведе низа активности во средните училишта Гимназија „Гоце Делчев“ и ДСТУ „Наце Буѓони“.