Богатството на милијардерите порасна повеќе од почетокот на КОВИД-19 отколку во последните 14 години.
Според Форбс, цитиран од добротворната организација, десетте најбогати луѓе во светот се: Илон Маск, Џеф Безос, Бернард Арно и семејството, Бил Гејтс, Лери Елисон, Лери Пејџ, Сергеј Брин, Марк Цукерберг, Стив Балмер и Ворен Бафет.
Иако нивното вкупно богатство порасна од 700 милијарди долари на 1,5 трилиони долари меѓу март 2020 година и ноември 2021 година, меѓу нив има значителни варијации, при што богатството на Маск, сопственик на Тесла, порасна за повеќе од 1.000 отсто, додека богатството на Бил Гејтс се зголеми за скромни 30 проценти.
Би-Би-Си пишува дека одлуката на Оксфам да го мери растот од почетокот на пандемијата, кога глобалните цени на акциите нагло паднаа, малку ги искривува наодите.
Богатството на најбогатите во светот обично е поврзано со нивните акции, кои нагло паднаа во март 2020 година, што значи дека подоцна растот беше од оваа пониска основа.
„Ако Оксфам мереше непосредно пред почетокот на пандемијата, растот ќе беше помалку изразен“, пишува Би-Би-Си.
Беше тежок почеток на 2022 година за најбогатиот човек на светот Илон Маск.
Сепак, тој не беше премногу загрижен. Акциите на Тесла во сопственост на Илон Маск изгубија околу 30 милијарди долари во вредност до затворањето на берзата во понеделник оваа година, бидејќи цената на акцијата падна за 12 отсто. Но, следните 12 месеци би можеле да бидат најпрофитабилните за Маск досега.
Ако аналитичарите се во право, Тесла ќе објави силни финансиски резултати оваа година кои ќе му донесат на Маск милијарди долари, пишува CNN.
Маск не добива никаква плата или паричен бонус од Тесла. Наместо тоа, тој добива опции за акции врз основа на реализација на одредена финансиска и пазарна вредност на компанијата.
Неговиот компензациски пакет од 2018 година му гарантираше 101 милион прилагодени акции кои ќе му бидат доделени на Маск во 12 еднакви транши, бидејќи компанијата ќе ги постигне поставените цели.
Сите пазарни одредници до денес се постигнати, иако неодамнешниот пад доведе до тоа Тесла да падне под пазарната капитализација од 1 милијарда долари. Досега се остварени седум финансиски цели, од кои две се постигнати во 2019 година, уште две во 2020 година и три во првите девет месеци од 2021 година. Значи, тој веќе има добиено 59 милиони од 101 милион опции во тој пакет.
Аналитичарите очекуваат дека Тесча ќе ги постигне преостанатите пет финансиски цели оваа година, па Маск би ги добил сите опции предвидени во пакетот од 2018. Доколку аналитичарите се во право, тој ќе има право на четири транши оваа година, што е рекорд за него, а уште еден на почетокот на 2023 година, откако резултатите од четвртиот квартал од 2022 година ќе бидат официјални.
„Со оглед на растот на Тесла, би бил изненаден доколку тој не ги добие сите пет транши оваа година врз основа на постигнување на сите цели“, рече Ден Ајвс, технолошки аналитичар за Wedbush Securities.