Десетици луѓе повредени во експлозии во Њујорк (видео)

Триесет и три лица се повредени во серија експлозии во фабрика за коземтика „Верла“ во Њујорк, а над објектот има црн, густ чад, јавува телевизијата „NBC“ и додава дека недостасуваат и делови од зградата.

Едно лице се води за исчезнато.

На местото на настанот се излезени и специјалните служби.

Според сведоците, мирисот на хемикалии бргу се проширил низ улицата. Сепак причината за експлозијата се уште не е позната.

Според порадоците на Управата за безбедност и здравје при работа оваа компанија од почетокот на годината имала девет регистрирани прекршоци, од кои шест квалифицирани како сериозни.