Времето денеска претпладне ќе биде претежно облачно, во западни делови со слаби врнежи од дожд и снег, и услови за појава на голомразица.
Попладне облачноста ќе се намалува. По котлините ќе се задржи магливо и постудено во поголемиот дел од денот. Попладне ќе дува слаб до умерен западен ветер. Максималната температура ќе биде во интервал од 2 до 9 степени.
Во Куманово и околината денеска ќе имаме облачно време со услови за дожд во попладневните часови, кој со падот на температурите се очекува да премине и во замрзнат дожд.
За време на викендот времето ќе биде стабилно и суво со значителен пораст на дневната температура. По одделни котлини и понатаму ќе има услови за појава на магла и пониски дневни температури.
Нов влажен бран со врнежи од дожд и снег се очекува во понеделник кон крајот на денот, во текот на ноќта и во вторник претпладне.
Во вторник ќе дува умерен до засилен северозападен ветер што ќе услови повторно опаѓање на температурата.