Високо заразниот делта со на корона вирусот се прошири во 192 земји и територии во текот на минатата недела, а регистрирано е и ширење на соевите алфа, бета и гама, објави денеска Светската здравствена организација (СЗО).
Експертите ги класифицираат соевите алфа, бета, гама и делта како „варијанти на коронавирус кои се наведени како видови на загриженост (VOC)“, објави руската агенција Тас с.
Неделното епидемиолошко ажурирање на СЗО посочува дека извештаите покажале дека делта видот е присутен во 192 земји.
Агенцијата Тас потсетува дека видот делта сојот на коронавирусот за првпат беше откриен во Индија во октомври 2020 година.
Според податоците објавени во епидемиолошкото ажурирање на СЗО, алфа – сојот, кој првпат беше откриен во Велика Британија во септември 2020 година, во моментов е присутен во 195 земји и територии (од минатата недела е присутен во две нови земји).
Бета – видот откриен во Јужна Африка во август минатата година е присутен во 145 земји (три нови земји од минатата недела), додека гама – сојот, првпат откриен во Бразил во септември минатата година, е присутен во 99 земји (четири нови земји од минатата недела).
Според СЗО, од почетокот на пандемијата на коронавирус до 5 октомври, во светот се регистрирани 235.175.106 случаи на вирус и 4.806.841 смртни случаи.