Куманово од 3-ти до 5-ти октомври ќе биде домаќин на силен меѓународен фудбалски турнир за деца родени 2014, 2016 и 2018 година, во организација на ФК Куманово Еуроспорт.
На турнирот својот настап веќе го потврдија големите фудбалски гиганти Лацио, Рома. Порто, Бенфика, Торино, англискиот Дерби Каунти и уште многу екипи од регионот и од нашата држава.
– Сакам со огромно задоволство да соопштам дека фудбалскиот детски турнир кој ќе се одржи од 3 до 5 ти октомври во организација на фудбалскиот клуб Куманово Еуроспорт ќе биде вистински фудбалски празник не само за нас како клуб и како град, туку и за нашата држава.
– Голема чест ни е како клуб да ги угостиме големите фудбалски европски гиганти како Рома , Лацио , Бенфика ,Порто и останатите тимови кои уште го потврдуваат своето учество и се пријавуваат. Искрено не верувам дека досега не само во Куманово, туку во Македонија досега имало вакви фудбалски тимови кои гостувале на едно место, изјави првиот човек на клубот Александар Маневски.
Како што рече Маневски, досега успешно се реализирани четири турнири и ова ќе представува огромен предизвик.
– Сигурен сум дека ќе биде реализирано како што е планирано заедно со целиот мој тим кој е вклучен во самата организација. Ние како домаќини ќе се погрижиме се да помине во најдобар ред и гостите од цела Европа да се чуствуваат како дома, додава тој.
Како што посочи, турнирот ќе биде изненадување за децата со посебни потреби кои исто така ќе бидат вклучени и ќе можат да ја почувствуваат магијата на фудбалскиот терен и фудбалската игра.
За вториот дел од настанот на јавноста и се обрати и членот на организациониот одбор Филип Наумов.
Според Филип наумов, член на организацискиот одбор, мото на настанот ќе биде „Играме заедно, победуваме заедно“, а целта е да се промовира инклузивноста и еднаквоста низ спортот.
– Учеството на децата со посебни потреби е горд чекор кон поотворено и поддржувачко општество. Преку овој турнир сакаме да испратиме силна порака дека секое дете заслужува можност да игра, да се развива и да биде прифатено од целокупната општество. Инклузивноста на децата со посебни потреби е важна тема што се однесува на правото на секое дете да учествува рамноправно во општеството, без оглед на неговите физички, интелектуални, сензорни или емоционални разлики. Ова значи создавање на прифатлива и поддржувачка средина во која секое дете има еднакви можности за учење, играње и развој – изјави Наумов на прес конференцијата.
Од клубот истакнаа дека натпреварите ќе се одиграат на три стадиони во Куманово и тоа на ФК Башкими , фудбалскиот стадион покрај Спортската Сала во Куманово и на Арената на ФК Куманово Еуроспорт.
Организаторите воедно и апелираат до сите правни лица и релевантни институции доколку си во можност и имаат простор да помогнат во овој голем настан кој е од особено важност за спортот не само во нашиот град туку и на целата држава.
Никола Ивановски