Данската воена разузнавачка агенција (FE) денес предупреди дека земјата се соочува со повеќе надворешни закани отколку во претходните години.
„Големите светски сили сè повеќе ги ставаат своите интереси на прво место и користат сила за да ги постигнат своите цели. Војната во Украина, особено, го обликува развојот на безбедносната ситуација“, се вели во годишниот извештај на FE, наведувајќи ги Русија и Кина меѓу земјите што претставуваат предизвик за Данска, пренесува Ројтерс.
Исто така, се наведува дека постои неизвесност околу улогата на Соединетите Американски Држави како гарант на европската безбедност, што ќе ја зголеми подготвеноста на Русија да ги интензивира своите хибридни напади против НАТО.
„Воената закана од Русија кон НАТО ќе се зголеми, иако во моментов нема закана од воен напад врз Кралството Данска“, се додава во соопштението на данската воена разузнавачка агенција.