Пешачењето е одличен тренинг со низок интензитет за многумина и е потполно бесплатен. Истражувањата покажуваат дека пешачењето може да го намали ризикот од срцеви заболувања, па дури и да го подобри менталното здравје. Сепак, постојано се дебатира колку точно човек треба да пешачи дневно.
Многумина се трудат да постигнат 10.000 чекори дневно. Ова е бројка поврзана со голем број фитнес предизвици. Но, дали тоа има смисла? Дали треба да се стремиме да правиме 10.000 чекори секој ден?
Др. Алексис Кослик вели дека 10.000 чекори на ден всушност биле дел од маркетинг кампања за јапонски педометар и не е официјална здравствена препорака.
Она што официјално го препорачува Центрите за контрола и превенција на болести е „150 минути неделно аеробни вежби со умерен интензитет или 75 минути аеробни вежби со висок интензитет неделно и два дена тренинг за зајакнување на мускулите“.
Но, бројот на чекори е значаен показател за тоа колку се движите во текот на денот. Тренерот Тони Кофи вели дека голем број чекори се тесно поврзани со фитнесот, расположението, контролата на шеќерот во крвта и намалениот ризик од смртност од сите причини и крвниот притисок. Според истражувањата, зголемувањето на бројот на чекори или зголемувањето на фреквенцијата на движење во текот на денот, дури може да ви помогне да живеете подолго.
„Неодамнешната анализа покажа дека на секои 1.000 чекори повеќе што ги правите дневно, ризикот од смртни случаи од сите причини се намалува за 12 проценти“, вели Кофи.
Сепак, професорката Микеле Олсон вели дека не треба да се грижиме толку многу за правење 10.000 чекори дневн, 7000 чекори можеби се поидеални.
„Во смисла на значајно влијание, треба да работите на акумулирање 7.000 чекори дневно. Ова значително ги намалува ризиците во споредба со само 4.000 чекори. Здравствените придобивки ќе бидат уште поголеми ако правите 10.000 чекори дневно, но со 7.000 чекори. здравјето се подобрува“, заклучи таа.