Да се намести кревет не зазема многу време, но некои луѓе сè уште не го прават кога ќе се разбудат.
Според истражувањето спроведено на 68.000 луѓе – дури 59 проценти од нив признале дека не го наместиле креветот, додека 27 проценти имаат навика. Останатите 12 проценти рекле дека другите треба да го сторат тоа за нив, според истражувањето објавено на Psychology Today.
Некои сметаат дека тоа е бесмислена работа и губење време затоа што и онака ќе бидат повторно во него на крајот на денот, други се само мрзливи, трети секогаш стануваат премногу доцна… А оние што го местат секое утро имаат свои причини зошто го прават тоа – им се допаѓа спалната соба уредна, навикнати се уште од детството, сите го прават тоа.
Местењето кревет по будењето има многу подлабоко значење од самата навика. Експертите тврдат дека внимателно затегнување на постелнината секое утро, исправување на перниците, уредно редење на ќебиња итн. за луѓето го покажува следново:
1. Тие сакаат да се чувствуваат корисни
Местејќи кревет наутро, тие добиваат прво чувство дека биле корисни тој ден, исполниле една задача… Затоа го започнуваат работниот ден веќе малку горди на себе и сакаат да го задржат тоа чувство во текот на денот. Затоа тие ќе се обидат да направат уште неколку задачи до вечерта, бидејќи тоа ги прави да се чувствуваат добро.
2. Состојбата на креветот е состојба на умот
Постои израз дека креветот е одраз на една личност – уреден кревет, уреден живот. Оние кои сакаат наместен кревет, сакаат да имаат ред во нивните животи. Луѓето кои не го поставуваат, добро се снаоѓаат во хаос и тоа не им претставува проблем толку многу како уредните.
3. Одраз на среќата и продуктивноста
Во споменатото истражување, 71 процент од луѓето кои секое утро го местат креветот рекле дека се среќни, а 62 проценти од оние што не го креваат креветот признале дека не се задоволни. Експертите шпекулираат дека првите повеќе уживаат во својата работа, редовно вежбаат и повеќе спијат.
4. Тие сакаат да држат сè под контрола
Луѓето кои редовно го местат креветот по будењето сакаат да го држат животот под контрола, а креветот е само еден детал во таа загатка.
5. Подготовка за непријатни работи
Некои луѓе го местат креветот иако навистина не им се допаѓа затоа што толку потсвесно се подготвуваат да се соочат со работите што би сакале да ги избегнат, но не можат – на пример, работа што им е тешко да ја завршат, непријатен разговор со пријател.
Ако немате навика да го местите креветот, а неодоливо сакате да го усвоите, ова е рецептот: научниците велат дека се потребни 66 дена за една задача да стане навика и рутина.
Исто така, постојат поборници да не се мести креветот. Тие тврдат дека е поздраво затоа што поради расфрланата постелнина, креветот е подобро проветрен од грините и другите непожелни жители одговорни за алергии и астма. Научниците, пак, одговараат дека 20 минути се доволни за да се вентилира креветот, така што овој изговор сè уште „не пие вода“, пренесува Elite Daily.
