Црвениот крст ја опиша катастрофалната ситуација во Мариупол, украинскиот пристанишен град под опсада на руските сили.
Во Мариупол со денови паѓаат бомби и гранати, а Русите вчера ги бомбардираа родилиштето и детската болница во Мариупол.
Објавено е драматично видео од нападот на Украина врз колона руски тенкови (ВИДЕО)
Саша Волков, шеф на делегацијата на Црвениот крст во Мариупол, рече дека добил извештаи дека залихите на храна и вода се на „опасно ниско ниво“.
Во аудио порака снимена вчера, Волков рече дека „многу семејства веќе немаат храна за своите деца“.
Тој додаде дека „има еден вид црн пазар за зеленчук“, но „месо не може да се најде никаде“.
Залихите на лекови се при крај, рече Волков и додаде дека „градските аптеки биле ограбени пред четири до пет дена“. Некои болници, сепак, сè уште работат.
„Луѓето почнаа да се разболуваат од влажноста и студот. Недостигаат лекови, особено за дијабетичарите и луѓето кои боледуваат од рак. Но, нема начин да се најдат овие лекови во градот“, рече Волков, пишува Индекс.