Денеска (31.01) Среда, во Занатски дом во Куманово со почеток во 19:00 часот, Центарот за Интеркултурен Дијалог-ЦИД, организира завршен настан на проектот CID ACADEMY- Програма за млади лидери, Промовирање на младински активизам во меѓуетнички заедници.
На настанот ќе бидат презентирани најзначајните моменти од едногодишниот проект, како и успешните постигнувања и промени кои ги спроведоа младите лидери кои произлегоа од програмата на CID ACADEMY. На настанот ќе биде презентирана и соработката со локаните институции пред се училиштата и локалната самоуправа.
ЦИД ги поканува сите заинтересирани млади од Куманово да го посетат настанот со цел да се запознаат одблиску со работата на младинската организација.
Настанот претставува одлична можност младите да разменат идеи и искуства како и да се мотивираат да се вклучат во младински проекти со цел да развијат конкретни вештини кои ќе им бидат корисни во нивниот натамошен индивидуален и општествен развој, велат од ЦИД.