Членовите на Бар Гладијаторс со нови успеси од Хрватска (фото+видео)

Кумановците Роберт Ангеловски и Даниел Каранфиловски од street workout клубот „Бар Гладијаторс“ се вратија со нови успеси од Меѓународниот турнир кој се одржа во Пула, Хрватска изминатиот викенд.

Од околу 40 пријави, во силна конкуренција од натпреварувачи од Хрватска, Словенија и Македонија, Роберт Ангеловски се врати со совоено трето место во категоријата склекови за една минута, додека Даниел Каранфиловски со трето место се закити во категоријата Chin ups.

Освен натпреварувачите од Куманово, достојни претставници на Македонија беа и членовите на „Rise up bars“ од Скопје, чиј претставник Александар Христовски освои второ место во категоријата chin ups, како и младиот битолчанец Андреј Марковиќ кој се врати со освоено прво место во категориите згибови и склекови.

Престојот во Хрватска младите спортисти го искористија и за краток одмор, каде ги полнеа батериите и се подготвуваа за нови успеси.