„Чистота и зеленило“ ги расчистуваше последиците од невремето (ФОТО)

Екипи на Јавното претпријатие „Чистота и зеленило“ со асистенција на полицијата до доцна синоќа ги расчистуваа последиците од невремето во Куманово.

Паднати дрвја, затната атмосферска канализација, големи количини вода по улиците и булеварите, беа само дел од последиците.

Обилни врнежи од дожд вчера попладне го зафатија регионот на кумановско.

Од Управата за хидрометеоролошки работи денеска информираа дека на територијата на Куманово паднале 52 литри дожд на метар квадратен.

Скоро 24 часа без прекин паѓа дожд во кумановско поради циклонот кој ја зафати државата.

Никола Ивановски