Во Франција помина четвртата ноќ на немири и насилства ширум земјата, предизвикани од смртоносно пукање врз тинејџер од полицаец, а според министерот за внатрешни работи Жералд Дерманин, до 3 часот утрово се уапсени 471 лице.
Ноќта меѓу петокот и саботата, младите демонстранти се судрија со полицијата и уништија и ограбија продавници и автомобили, јавува АП.
Иако Дарманин, за време на посетата на полициската единица во предградието Мант ла Џоли, изјави за ТВ БФМ дека насилството минатата ноќ беше „многу помалку интензивна“.
Во соседното предградие Колом, демонстрантите превртеле корпи за отпадоци и ги користеле за импровизирани барикади, пишува порталот Франс 24.
Во петокот вечерта, 80 лица беа уапсени во Марсеј, вториот по големина град на југот на Франција, а снимките објавени на социјалните мрежи покажуваат експлозија што го потресе старото пристаниште во градот. Засега не е познато што ја предизвикало експлозијата.
Демонстрантите ограбија продавница за оружје во центарот на Марсеј и украдоа неколку ловечки пушки, но без муниција, соопшти полицијата, додавајќи дека едно лице е уапсено со пушка, најверојатно од ограбената продавница која сега ја обезбедуваат органите на редот.
Млад човек загина откако падна од покривот на супермаркет во предградието на северниот француски град Руан за време на немири, соопштија локалните власти.
Како што јави Ројтерс, повикувајќи се на неименуван извор од полицијата, младиот човек паднал од покривот додека бунтовниците го ограбувале супермаркетот.
Од државното обвинителство претходно изјавија за ТВ БФМ дека врз основа на истрагата која е во тек, не е утврдено дека продавницата била цел на обид за грабеж.
Насилство избувна и во некои прекуокеански територии на Франција.
Околу 150 полицајци беа распоредени на малиот остров Реунион во Индискиот Океан во петокот вечерта, откако демонстрантите запалија корпи за отпадоци, фрлаа со остриги на полицијата и оштетија автомобили и згради, соопштија властите.
Во Француска Гвајана, 54-годишен маж беше убиен од заскитан куршум во четвртокот вечерта кога демонстрантите пукаа врз полицијата во главниот град Кајен, се вели во официјалното соопштение.
„Ова ниво на насилство е тешко да се разбере“, рече префектот на полицијата во Кајен, Филип Џос, на прес-конференција, пренесе Танјуг.
Минатиот вторник полициското убиство на 17-годишникот, кој беше идентификуван само како Нахел, предизвика бран на незадоволство и судири меѓу полицијата и младите во приградските станбени населби за социјално загрозеното население.
Претседателот Емануел Макрон апелираше до родителите да ги држат своите деца на улица и ги обвини социјалните мрежи за поттикнување на немирите, велејќи дека се чини дека некои млади луѓе копираат насилни видео игри.
На кризната средба со владата, Макрон најави дека Министерството за внатрешни работи ќе мобилизира „дополнителни ресурси“ за справување со насилството на протестите и ја осуди, како што наведе, „неприфатливата експлоатација на смртта на адолесцент“.
Министерството за надворешни работи на Обединетото Кралство ги предупреди потенцијалните патници во Франција да бидат претпазливи на немири и да избегнуваат места за протести, предупредувајќи дека локациите и времето на немирите се „непредвидливи“, како и прекини во сообраќајот и воведување дополнителен полициски час.