Четири интервенции во изминатите 24 часа бележат кумановските пожарникари, информираат од Регионалниот центар за управување со кризи.
Првата интервенција била на запалена сува трева и смет во населбата Перо Чичо, каде интервенирале двајца пожарникари во период од 11:50 до 12:25 часот.
Сува трева горела и на улицата „Иво Лола Рибар“, каде половина час интервенирале двајца вработени од Територијалната противпожарна единица Куманово.
Во период од 15:50 до 16:35 часот пожар избувнал во атарот на селото Романовце, поточно кај месноста викано „Мавровски бараки“. Четворицата пожарникари успешно го локализирале огнот.
Последната интрвенција е регистрирана во населбата Бедиње, поточно во кругот на касарната „Христијан Карпош“, каде исто така горела сува трева. Четворицата пожарникари интервенирале од 15:45 до 16:25 часот.