Здравјето на заробените момчиња и тренерот во поплавената пештера на Тајлнд и натаму е добро, рекол лидерот на акцијата за спасување, гувернерот Наронгсак Осотанакорн и најави дека акцијата за спасување ќе продолжи во раните утрински часови.
Во пештерата моментално се наоѓаат уште четири момчиња и нивниот тренер, а дека досега се спасени осум деца, пренесува Ројтерс.
– Денеска помогнавме на уште четири деца, рекол Наронгсак.
Loading...
Очевидци велат дека вкупно осум момчиња се извлечени од поплавената пештера на Тајланд, каде се заробени скоро две недели, јавуваат светските медиуми.
Втората фаза од акцијата е завршена.
Четири од спасените момчиња со хеликоптер се префрлени до болница во која завчера е сместена и првата група момчиња кои излегоа од пештерата.
Нуркачите момчињата на возраст од 11 до 16 години и тренерот ги пронајдоа во понеделник, на карпа одалечена четири километри од влезот во пештерата.
Тргнале да ја истражат пештерата, но останале заробени кога надошла водата поради дождот.