Четири часа блокиран терминалот на Табановце поради неисчистен снег (ФОТО)

Четири часа голем број превозници на камиони утринава се заглавени во меѓузоната на Граничниот премин Табановце. Реагираат дека не функционира терминалот на царината бидејќи истиот бил неисчистен од снегот и мразот.

Дури по четири часа ситуацијата започнала да се помера од мртва точка, вели еден од заглавените камионџии, кој додава дека поради застојот е направена голема колона од камиони кои ја минале спрската страна од границата и на минусни температури чекаат да ги завршат формалностите на царинскиот терминал Табановце за да можат да продолжат со транспортот на стоката.

Царинските службеници им рекле дека нема кој да го исчисти мразот, бидејќи не бил распишан тендер за избор на фирма која треба да врши зимско одржување и затоа доаѓа до застој.

– Тука сме заглавени во меѓузона, кај Србите поминавме и тука веќе чеитири часа не мрдаме зошто не пуштаат долу на терминалот, бидејќи немало тендер кој да го исчисти ледот и сега кој како завршува со документи еден по еден камион пуштат, се стври гужва бидјеќи се чека многу време додека заврши еден па друг и за срамота сме тука. После четири часа сега почнаа да мрдаат, вели еден од заглавените камионџии на ГП Табановце.

Одговор побаравме и од Царинската управа на Република Македонија, од каде ни беше посочено сите прашања да ги испратиме на нивната електронска пошта, но до моментот на изготвување на прилогот не добивме одговори.