Цените на нафтата се стабилизираа денеска, откако паднаа за повеќе од 12 отсто во средата, бидејќи инвеститорите размислуваат дали големите производители на црно злато ќе ги зголемат залихите за да помогнат да се пополни празнината во понудата предизвикана од западните санкции против Русија поради нејзиниот напад врз Украина.
Меѓународната референтна нафта Брент денеска закрепна во фјучерси од падот во претходната сесија за повеќе од 3,0 отсто на 114,64 долари за барел, а американската нафта WTI зајакна за 1,73 отсто на 110,58 долари за барел, пренесува Ројтерс.
ХОРОР: Ова се сателитски снимки од Мариупол по бомбардирањето
Кремљ во средата ги обвини САД дека и објавиле економска војна на Русија што ќе „нанесе хаос“ на енергетските пазари и му порача на Вашингтон дека Москва силно ќе одговори на американската забрана за увоз на руска нафта и енергија.
Лидерите на Европската унија, исто така, постепено ќе го укинат купувањето на руска нафта, гас и јаглен, се вели во нацрт-декларацијата подготвена за дводневната средба на лидерите на 27-члениот блок што ќе започне денеска во Версај.
Русија се повлекува од Советот на Европа: Уживајте, но без нас
Зголемувањето на цените на енергијата ги зголеми очекувањата на пазарот дека Федералните резерви на САД ќе ги зголемат каматните стапки за 25 базични поени на состанокот за монетарната политика следната недела.
Пазарните играчи ги чекаат и податоците за инфлацијата во САД, кои треба да бидат објавени подоцна денеска, при што растот на потрошувачките цени во февруари се проценува на 7,9 отсто на годишно ниво.