Бројот на жртвите од минатонеделниот земјотрес со јачина од 7,2 степени по Рихтер на Хаити се искачи на 2.207, а 344 лица се водат како исчезнати, објави државната агенција за цивилна одбрана.
Последните бројки покажуваат дека повеќе од 12.000 луѓе се повредени во земјотресот, а повеќе од 52.000 куќи се уништени.
Екипи за помош и спасување пристигнуваат во земјата. УСС Арлингтон пристигна за викенд, со лекари, медицински сестри, медицински помагала, два хеликоптери и 200 маринци.
Покрај тоа, американската хуманитарна организација Samaritan’s Purse отвори теренска болница во Ле Кајес, еден од поголемите градови во најтешко погодената област и ги прими првите пациенти.
Германската хуманитарна организација ИСАР Германија испрати и тим од 33 лекари, медицински сестри и болничари, заедно со 11 тони материјал, пренесува dpa.
Сепак, голем дел од помошта допрва треба да стигне до погодените од невремето, бидејќи многу улици и мостови беа уништени од земјотресот.
Понатаму, криминалните групи го контролираат пристапот до некои региони, што го отежнува помагањето на оние на кои им е потребна.