Брод полн со автомобили се уште гори во Холандија. Не можат да му пристапат!

On:
Сподели со своите пријатели

Бродот Fremantle Highway сè уште гори покрај холандскиот брег.

Холандската крајбрежна стража втор ден се обидува да го изгасне пожарот и да спречи еколошка катастрофа, но тоа е неуспешно бидејќи температурата е толку висока што не можат да пристапат до него.

Неколку од 23-те членови на екипажот беа повредени, а еден морнар загина. По натоварувањето во германското пристаниште Бремерхавен, бродот беше на пат кон египетскиот Порт Саид, а потоа кон Сингапур.

Превезува 2.857 автомобили, меѓу кои значителен број возила се произведени во фабриките на Мерцедес и БМВ.

Според информациите на холандската агенција АНП, кои се однесуваат на збор на член на екипажот, се чини дека еден од 25-те електрични автомобили се запалил.

ПРОЧИТАЈТЕ И:  Екстремното време во летото 2025 година ја чинеше Европа 43 милијарди евра

Но, официјалната причина за пожарот се уште не е позната.

 

 

Се заканува еколошка катастрофа

Освен човечка несреќа, на делот од морето под заштита на УНЕСКО му се заканува и еколошка катастрофа.

Станува збор за областа Ваденско Море, која е најголемиот непрекинат систем на меѓуплимни песочни и калливи рамници во светот.

Холандските власти се надеваат дека истекувањето на гориво нема да влијае на Ваденските острови.

Мерцедес соопштија и потврдија дека на бродот имало 300 нивни возила, а оттаму велат дека е покрената истрага.

БМВ достави и потврда, но не соопшти колку негови автомобили имало на запалениот брод.

ПРОЧИТАЈТЕ И:  Зголемувањето на воените трошоци на НАТО би можело да произведе 1,3 милијарди тони дополнително загадување

Ford, Stellantis, Renault и Nissan велат дека нивни автомобили не се на бродот, а Toyota вели дека е малку веројатно некој нивни има таму.

Тесла не одговори на барањето на Блумберг за коментар.