Русија најверојатно ќе ја таргетира украинската комуникациска инфраструктура за да го ограничи пристапот на Украинците до сигурни извори на вести, соопшти во понеделникот британското Министерство за одбрана.
„Русија најверојатно ќе ја таргетира украинската комуникациска инфраструктура за да ја намали способноста на украинските граѓани да пристапат до доверливи вести и информации“, објави британската разузнавачка служба за одбрана во ажурираната порака на Твитер.
„Пристапот до интернет во Украина, исто така, е многу веројатно нарушен како резултат на колатерална штета по нападите на руските инфраструктури“, се вели во извештајот.
Руски напад во неделата оштети телевизиска кула во Харков во источна Украина, според украинските власти, а во ракетниот напад врз ТВ кула во Киев во вторникот загинаа најмалку пет лица.
„Пристапот до интернет во Украина, исто така, е многу веројатно нарушен како резултат на колатерална штета од нападите на руската инфраструктура. Минатата недела беа забележани прекини на интернет во Мариупол, Суми, Киев и Харков“, соопшти Министерството за одбрана.
Третата рунда мировни преговори меѓу Украина и Русија би требало да се одржи денеска
Веќе во првите денови од руската инвазија стана јасно дека Украина доминира во информациската војна на социјалните мрежи, сметаат аналитичарите.
Иако украинскиот претседател Володимир Зеленски сè уште е затворен во бункер во Киев за време на тешките бомбардирања, неговата влада изврши сеопфатен напад на социјалните мрежи и доби поддржувачи.
Секојдневните обраќања на Зеленски на видеа, главно со англиски титл, станаа сензација.
Министерството за одбрана и за надворешни работи го величаат воениот отпор на Украина со графики што привлекуваат внимание.
Украинците објавуваат видеа од успесите на нивните сили кои брзо се прошируваат.
Тие вклучуваат украинска ракета што собори руски хеликоптер и украински селанец кој влечеше заробено руско оклопно возило со трактор.
Снимките од Украинците како липаат среде градските урнатини откако Русија ги засили бомбардирањата, исто така емотивно ги допре луѓето ширум светот.