Британскиот министер за одбрана Џон Хили, додека патувал кон Киев, се нашол во близина на напад од руски „Орешник“, пишува британскиот таблоид „Сан“.
„Изворот објави дека тој (Хили) за малку избегнал проблеми во близина на Лавов кога била лансирана ракета „Орешник“, пишува британскиот весник.
Самиот министер потврди дека неговиот воз направил итно запирање на пат кон Киев поради закана од ракети.
„Бевме доволно блиску за да ги чуеме сирените за воздушен напад“, рече Хили.
Британскиот министер го посети Киев за да преговара за предавање на новите балистички ракети со долг дострел „Најтфол“, кои сè уште се во развој.
Руското Министерство за одбрана минатиот петок објави дека руските сили користеле хиперсонични ракети „Орешник“ за да започнат концентриран напад врз критични цели во Украина како одговор на нападот врз резиденцијата на претседателот Владимир Путин.