Велика Британија оваа година ќе ја удвои хуманитарната помош за Авганистан на 286 милиони фунти (393 милиони американски долари), изјави министерот за надворешни работи Доминик Рааб.
Со оваа финансиска помош, Велика Британија објави програма со која ќе се обезбеди азил за 20.000 луѓе кои сакаат да го напуштат Авганистан, а 5.000 од нив ќе бидат прифатени следната година, пишува Би -Би -Си.
Даунинг стрит вели дека тоа е една од „најдарежливите програми за азил во британската историја“, но критичарите велат дека земјата може да прими уште повеќе луѓе.
Британија, исто така, ги повика своите сојузници да го „следат нејзиниот пример“ во проширувањето на хуманитарната помош за ранливите Авганистанци.
Рааб синоќа разговараше со своите индиски и американски колеги, а се очекува во наредните денови да разговара со лидерите на Г7.