Постепеното зголемување на возраста за државна пензија од 66 на 67 години започна во Велика Британија, а промените прво ќе ги засегнат новите пензионери родени по 6 април 1960 година.
Лицата родени помеѓу 6 април и 5 мај 1960 година ќе имаат право на државна пензија на 66 години и еден месец, додека оние родени помеѓу 6 мај и 5 јуни 1960 година ќе имаат право на 66 години и два месеци, објави Скај њуз.
Сепак, многумина ќе треба да разгледаат други измени во правилата при планирањето на пензионирањето.
Нормалната минимална возраст за пензионирање – односно возраста на која некој може да почне да користи пензија од работното место – ќе се зголеми од 55 на 57 години во април 2028 година.
Зои Александар, извршен директор за политика и застапување во Пензискиот фонд на Велика Британија, рече дека возраста за државна пензија се зголемува од три причини: да се зголеми животниот век, да се поддржи одржливоста на јавните финансии и да се промовира меѓугенерациска праведност, објавува Бета.
Институтот за фискални студии проценува дека зголемувањето на старосната граница ќе заштеди на јавната каса околу 10 милијарди фунти годишно до крајот на овој парламентарен мандат.
Старосната граница за државна пензија повторно ќе се зголеми на 68 години во периодот помеѓу 2044 и 2046 година.