Велика Британија би можела да испрати свои војници во Украина да ги обучуваат украинските вооружени сили, тврди Тајмс, цитирајќи го министерот за одбрана на земјата, Џон Хили.
Медиумите јавуваат дека Хили во средата пристигнал во Киев, каде што се сретнал со украинскиот министер за одбрана Рустем Умеров.
„Британските трупи би можеле да бидат испратени во Украина на обука, бидејќи Велика Британија сака да преземе нова лидерска улога во конфликтот“, се нагласува во написот.
За време на неговата посета на Киев, Хили истакна дека Велика Британија треба „да ја направи обуката соодветна за потребите на украинската страна“.
Министерот додаде дека на украинскиот министер Умеров ќе му достави план од пет точки, кој ќе содржи детали за зајакнување на британската поддршка за Украина во 2025 година.
Како што се забележува во написот, планот вклучува зголемување на бројот на украински војници обучени од британските сили, обезбедување на ново оружје, дополнителна финансиска помош и мерки за поддршка на одбранбената индустрија на Украина.
Хели претходно изјави дека има планови за зајакнување на програмата за обука на украинските војници на територијата на Велика Британија.
Русија смета дека испораките на оружје за Украина го попречуваат решавањето на ситуацијата, директно ги вклучуваат земјите од НАТО во конфликтот и претставуваат „играње со оган“.
Рускиот министер за надворешни работи Сергеј Лавров истакна дека секој товар што содржи оружје за Украина ќе стане легитимна цел за Русија.
Според него, САД и НАТО директно учествуваат во конфликтот, вклучително не само со снабдување со оружје, туку и со обука на војници во Велика Британија, Германија, Италија и други земји.
Кремљ соопшти дека испумпувањето на Украина со оружје од Запад не придонесува за преговорите и ќе има негативен ефект.