Здравствениот систем во Обединетото кралство, тестира нов лек за намалување на холестеролот во крвта, наречен „Инклисиран“, чија цел е да спречи смрт од кардиоваскуларни заболувања кај британското население.
Во моментов се евидентирани речиси половина од возрасната популација во Велика Британија, а осум милиони жители на таа земја редовно земаат лекови за намалување на липидите во крвта.
Што прави новиот лек?
Новиот лек за намалување на холестеролот во крвта наречен Инклисиран ја зголемува способноста на црниот дроб да го намали нивото на липопротеини со мала густина (ЛДЛ), познат како „лош“ холестерол.
Резултатите од глобалната студија спроведена од Империјал колеџ во Лондон покажаа дека лекот е многу ефикасен, а истражувањата во третата фаза покажаа дека Инклисиран, со интервал од шест месеци, го намали нивото на холестерол до 50 проценти. Истражувачите предвидуваат намалување на нивото на холестерол за 75 до 80 проценти.
Во текот на следните три години, може да биде достапен за околу 300.000 пациенти кои имаат историја на кардиоваскуларни заболувања, како и високо ниво на холестерол.
Лекот би бил достапен во Англија и Велс, објави британскиот NHS.
Ако воведувањето на лекот оди според планот и 300.000 пациенти ќе го примат лекот во следните три години, експертите веруваат дека тогаш може да спречи 55.000 срцеви и мозочни удари во Велика Британија и да спаси повеќе од 30.000 животи во следните десет години.
Давање третман двапати годишно
Третманот може да биде достапен од 2021 година, а лекот ќе се дава двапати годишно на пациенти со висок ризик за развој на срцеви заболувања.
Ќе биде вклучено во инјекции и ќе го даваат општите лекари. Затоа, лекот треба да се инјектира три месеци по првата доза, а потоа редовно двапати годишно.
NICE (Национален институт за извонредност за здравје и нега) го препорачува како опција за луѓе кои веќе преживеале мозочен удар или срцев удар и не реагираат на други лекови за намалување на холестеролот.
Извршниот директор на NHS Аманда Причард потсети дека кардиоваскуларните заболувања сеуште се „убиецот број еден во светот“.
