Бригадите Ал Касам, вооруженото крило на палестинската група Хамас, објавија во неделата дека во изминатите 48 часа убиле 40 израелски војници и уништиле 44 воени возила, јавува Anadolu.
„Во последните 48 часа Ал Касам успеа целосно или делумно да уништи 44 воени возила на сите фронтови на борбите во Појасот Газа. Тие потврдија дека загинале 40 војници, а десетици други војници се ранети“, наведоа на нивниот профил на Телеграм.
Во соопштението се наведува употребата на мини за уништување згради, гаѓањето на израелски теренски команден центар и употребата на минофрлачки гранати и ракети со краток дострел против областите каде што се собрале војниците.
Израел се уште не ги коментираше овие тврдења.
Израел ја продолжи својата воена офанзива врз Појасот Газа на 1 декември, откако стави крај на еднонеделното хуманитарно примирје со палестинската група Хамас.
Речиси 18.000 Палестинци се убиени, а повеќе од 49.229 се ранети во немилосрдните воздушни и копнени напади врз енклавата од 7 октомври по прекуграничен напад на Хамас.
Според официјалните податоци, во Израел биле убиени околу 1.200.