„Ер Форс Уан“, авионот на американскиот претседател Доналд Трамп, кој денес ја започнува својата прва државна турнеја од почетокот на неговиот втор мандат, беше пречекан со вистински дочек.
Најмалку пет борбени авиони го следат леталото на американскиот претседател, пренесува „Скај њуз“.
Ден Скавино, заменик-шеф на кабинетот на Трамп, го објави видеото на социјалната мрежа X.
– Добро утро од Ер Форс Уан, Саудиска Арабија! Ви благодарам за вашата поддршка и што го имате грбот на претседателот Трамп – сите го цениме тоа. Се гледаме наскоро на земја, ВИ БЛАГОДАРАМ!!! – напиша тој.
Да потсетиме дека Трамп денес ја започнува својата прва државна турнеја, тој ќе посети три клучни партнери на САД на Блискиот Исток: Саудиска Арабија, Катар и Обединетите Арапски Емирати, од каде што ќе се врати во Вашингтон на 16 мај.
Good morning from Air Force One, Saudi Arabia! Thank you for the escort, and having President Trump’s back—We all appreciate it. See you on the ground shortly, THANK YOU!!!🇺🇸🇸🇦 pic.twitter.com/iGuqfCvnwt
— Dan Scavino (@Scavino47) May 13, 2025