Американскиот државен секретар Антони Блинкен во вторникот изјави дека ја откажал средбата со рускиот министер за надворешни работи Сергеј Лавров закажана за четврток по руското признавање на двата сепаратистички региони во Украина како независни ентитети.
Блинкен рече дека се согласил да се сретне со својот колега Лавров само доколку Русија не ја нападне Украина.
„Сега кога гледаме дека инвазијата започна и дека Русија целосно го покажува своето отфрлање на дипломатијата, нема смисла да се организира овој состанок во овој момент“, изјави Блинкен за новинарите по средбата со украинскиот министер за надворешни работи Дмитриј Кулеб во Вашингтон.
Блинкен рече дека е посветен на дипломатијата „доколку Москва го промени пристапот“ и дека ќе стори се што е во нејзина моќ за „да го избегне најлошото сценарио за целосен напад врз Украина, вклучително и нејзиниот главен град“.
„Сепак, нема да дозволиме Русија да тврди дека се стреми кон дипломатија, а во исто време да го забрза својот пат кон конфликти и војна“, додаде тој.