Јутуберите често прават необични работи за да го привлечат вниманието на публиката. Џими Доналдсон, чиј прекар е „MrBeast“, отиде чекор подалеку.
Тој одлучи да помине дури 50 часа закопан два метра под земја, а во видео кое трае 12 минути, го опишува ова искуство.
„Сакам да се движам, но не можам. Почнувам да се чувствувам клаустрофобично, досадно ми е, грбот ме боли, мириса лошо”, рече тој по првите 20 часа под земја. За сето ова време, патем, тој имал пластични шишиња во кои уринирал.
За да се осигура дека нема да излезе порано од очекуваното, тој се согласил со пријателите да го „тресат“ со електрични шокови доколку се предомисли и се откаже од предизвикот што си го поставил на себе.
По цели 50 часа, Доналдсон се расплака.
„Вака изгледа кога ќе бидете закопани живи. Плачам од среќа да излезам надвор, ова беше глупаво”, конечно призна тој.
Инаку, тој досега собра околу 50 милиони прегледи на ова видео.