Американскиот мултимилијардер Бил Гејтс ќе пренесе 20 милијарди долари од своето богатство на „Фондацијата Бил и Мелинда Гејтс“, што ќе го зголеми финансиското дарување во светлината на глобалните предизвици, вклучително и пандемијата и војната во Украина.
Фондацијата, една од најголемите светски филантропски организации, планира да ги зголеми своите исплати за 50 отсто од нивоата пред пандемијата, од приближно 6,0 милијарди долари на 9,0 милијарди долари секоја година до 2026 година.
Фондацијата првенствено е фокусирана на добротворни давања кои имаат за цел да го подобрат глобалното здравство, родова еднаквост и образование.
Ко-основачот на Мајкрософт и неговата поранешна сопруга, Мелинда Френч Гејтс, ветија дека ќе го донираат огромното мнозинство од своето богатство на фондацијата што ја основаа заедно пред 20 години, како и на други филантропски здруженија.
Со проценета нето вредност од околу 114 милијарди долари, Бил Гејтс моментално е четвртиот најбогат човек во светот, според индексот на милијардери на Блумберг, со најголем дел од неговото богатство поврзано со акциите на Мајкрософт.
Сепак, тој нема намера засекогаш да биде толку високо рангиран.
„Ќе се преселам надолу и на крајот ќе бидам надвор од листата на најбогати луѓе во светот. Имам обврска да ги вратам моите ресурси во општеството на начини кои имаат најголемо влијание врз подобрувањето на животите“, напиша Гејтс на својот блог.