Судот во Белорусија осуди уште еден независен новинар на три години затвор, во втората затворска казна изречена на новинар оваа недела како дел од долгогодишната акција против независните медиуми во земјата.
Како што соопшти Белоруското здружение на новинари, Аликсандер Лубјачук е осуден под обвинение за учество во екстремистичка група.
Љубјанчук соработуваше со неколку независни медиуми, вклучувајќи ја и ТВ Белсат, со седиште во Полска, која е забранета во Белорусија како екстремистичка.
Тој информираше за масовните протести што избувнаа во Белорусија по изборите на кои, според официјалните податоци, на претседателот Александар Лукашенко му беше доделен шестиот претседателски мандат во август 2020 година.
Опозицијата и Западот ги осудија тие избори како наместени.
Владата на Лукашенко брутално ги задуши тие демонстрации, кога повеќе од 35.000 беа уапсени, а илјадници беа убиени од полицијата.
Љубјанчук беше уапсен во мај и помина шест месеци во затвор. Во писмата што ги пишува до семејството и колегите може да се види дека неговото здравје е значително влошено.
Групите за човекови права го сметаат за политички затвореник, еден од 1.300-те во Белорусија.
Вчера истакнатиот истражувачки новинар Сиархеј Састсук беше осуден на осум години затвор.
Независните новинари беа првите кои беа погодени од владините мерки.
Многумина беа или уапсени од службата за безбедност или избегаа од земјата.
Во моментов, 32 новинари се во затвор, или чекаат судење или издржуваат казна, според белоруското здружение на новинари.