Белата куќа изрази загриженост поради можноста Иран да ѝ испорача на Русија балистички ракети кои Москва би ги употребила во војната против Украина.
Портпаролот на Советот за национална безбедност на САД, Џон Кирби, изјави дека Иран веќе ѝ испорачува на Русија беспилотни летала, наведувани ракети и артилериска муниција.
– Загрижени сме поради можноста Иран да размислува за снабдување на Русија со балистички ракети за употреба во Украина. За возврат, Русија му нуди на Техеран одбранбена соработка, вклучувајќи ракети, електроника и противвоздушна одбрана, рече Кирби.
Тој изјави дека Иран сака да купи авиони Су-35, хеликоптери и радари од Русија, пренесува АП.