Вчера, Белата куќа започна жесток напад врз американскиот медиум Политико, обвинувајќи го за спроведување на „операција на странско влијание“.
Причината за оваа реакција е статија во која се критикуваат преговорите на Стив Виткоф, специјалниот претставник на претседателот Доналд Трамп за Украина.
Потпретседателот на САД, Џ.Д. Венс, ги предводеше нападите врз Политико, кој е во сопственост на германскиот медиумски гигант Аксел Спрингер од 2021 година.
Контроверзната статија цитира неименувани функционери кои тврдат дека „неискуството на Виткоф е јасно видливо“ во неговите разговори со рускиот претседател Владимир Путин.
„Оваа приказна за Политико е новинарски неуспех. Но, тоа е повеќе од тоа: тоа е операција на странско влијание дизајнирана да им наштети на администрацијата и на еден од нашите најефикасни членови“, рече Венс преку социјалната мрежа X.
Politico’s @felschwartz – Just a ran a fictional smear job on Steve Witkoff that was strictly sourced to ANONYMOUS deep staters & foreign diplomats. They found room to run countless blind quotes attacking him, but couldn’t find space to include Secretary Rubio defending him. pic.twitter.com/utFwOb9oVa
— Andrew Surabian (@Surabees) August 29, 2025
На Венс му се придружија и други функционери на Белата куќа.
Заменик-шефот на кабинетот, Џејмс Блер, ја нарече статијата „операција на странско влијание водена преку онлајн медиум контролиран од Германија“.
И покрај сериозноста на обвинувањата, официјалните лица не понудија докази во поддршка на тврдењата за вмешаност на странска влада или која било друга организација.
Ова не е прв пат администрацијата на Трамп да го брани Виткоф, тајкун за недвижности кој беше назначен од Трамп за специјален пратеник за мировни преговори во Украина и Газа, и покрај неговиот целосен недостаток на дипломатско искуство, објавува Index.hr.
Статијата во Политико е само една од серијата статии објавени во последните денови, вклучително и една во The Atlantic, во која се тврди дека преговорите на Виткоф со Русија предизвикале конфузија.
Нападите врз медиумите доаѓаат во време кога Берлин и Париз изразуваат сомнежи за успехот на мировните напори на Трамп.
Германскиот канцелар Фридрих Мерц рече дека очекува војната да трае „уште многу месеци“.
Сем Виткоф, кој неодамна патуваше во Москва неколку пати на средби со Путин, а во петокот во Њујорк се сретна со украински претставници, накратко ја коментираше ситуацијата. Тој рече дека „изјавата на нашиот неверојатен потпретседател зборува сама за себе“.