Шпанија се согласи да соработува со американската војска во изминатите неколку часа, изјави портпаролката на Белата куќа, Каролин Ливит, за новинарите.
Таа додаде дека смета оти Шпанија ја слушнала пораката на американскиот претседател Доналд Трамп гласно и јасно, пренесува NBC News.
Ливит, исто така, рече дека знае дека американската војска се координира со своите колеги во Шпанија.
Шпанија претходно одби да им дозволи на САД да користат шпански бази за да започнат воени операции против Иран, што вчера предизвика остри закани од Трамп да ја прекине целата трговија со Шпанија, пренесува Танјуг.
Во своето обраќање до нацијата, шпанскиот премиер рече дека ставот на земјата е јасен и дека е за мир, како и дека Шпанија нема да биде „соучесник во нешто што е лошо за светот“, ниту пак ќе ја поддржи сегашната војна на Блискиот Исток „од страв од одмазда“.