Американскиот претседател Џо Бајден вети дека ќе воведе разорни санкции против Русија откако земјата ја нападна Украина.
Бајден ја објави пораката на Твитер пред вечерашното обраќање до нацијата. Тој тврди дека санкциите ќе имаат погубни последици за руската економија. По веста за рускиот напад, Бајден ги собра своите советници во познатата „ситуациона соба“ на Белата куќа.
This morning, I met with my G7 counterparts to discuss President Putin’s unjustified attack on Ukraine and we agreed to move forward on devastating packages of sanctions and other economic measures to hold Russia to account. We stand with the brave people of Ukraine. pic.twitter.com/dzvYxj7J9w
— President Biden (@POTUS) February 24, 2022
Тој не ја исклучи можноста за воведување санкции лично за Путин
Тој потоа учествуваше на виртуелниот состанок на Г7, група од најразвиените земји во светот која остро го осуди рускиот претседател Владимир Путин за нападот на Украина.
Американците веќе воведоа санкции за компанијата која управува со нафтоводот Северен тек 2, две руски банки, ВЕБ и ПСБ и пет олигарси блиски до Владимир Путин. Бајден не ја исклучи можноста за воведување санкции за лично Путин.