Американскиот претседател Џо Бајден потпиша 50 нацрт-закони, вклучувајќи и дека белоглавиот орел е официјална птица во земјата и закон со кој на членовите на Конгресот им се забранува да ги добиваат своите пензии доколку бидат осудени за злосторства.
Бајден го воспостави првиот федерален стандард за борба против насилството и смртта во високообразовните кампуси низ целата земја.
Тој потпиша и закон поддржан од ријалити ѕвездата и наследничка Парис Хилтон, со кој се зголемува одговорноста на центрите за лекување и институциите за грижата за младите луѓе, пренесува Хина, повикувајќи се на Ројтерс.
Инфраструктурни проекти и оружје за Украина
Претходно овој месец, Бајден стави вето на законот за додавање на 66 нови судии во недоволно вработени федерални судови, ги ублажи казните на 37 од 40-те федерални затвореници осудени на смрт, претворајќи ги во доживотен затвор без помилување и издаде целосно и безусловно помилување за неговиот син.
Бајден се обидува да ги постигне своите приоритети пред да му ја предаде власта на новоизбраниот претседател Доналд Трамп на 20 јануари.
Тој го завршува својот мандат со давање пари претходно одобрени од Конгресот за инфраструктурни проекти во САД и оружје за Украина.