Џо Бајден, најстариот американски претседател на функцијата, потврди дека ќе се кандидира за втор мандат на претседателските избори во 2024 година, пренесува Хина.
Сепак, тој додаде дека допрва треба да се чека одлуката за официјалната кандидатура.
„Од почетокот ми беше намерата да се кандидирам, но има премногу други работи што треба да ги завршиме на краток рок пред да ја започнам кампањата“, рече 80-годишниот демократ во интервју за ABC News.
Неговата сопруга Џил Бајден претходно за агенцијата Асошиетед прес потврди дека сега е потребно само да се одреди датумот и местото каде актуелниот претседател ќе го објави влегувањето во изборната кампања.
Запрашан да ги коментира нејзините зборови, Бајден само накратко рече дека „не брза“.
„Има и други краткорочни работи што треба да ги завршиме пред да ја започнеме кампањата“, рече тој.
Најстариот претседател
Тој, сепак, одговори дека неговата возраст не влијае на одлуката дали ќе се кандидира за функција или не, но дека ги разбира овие прашања.
„Легитимно е луѓето да поставуваат прашања за мојата возраст. Тоа е сосема легитимно“.
„Се што можам да кажам е – следете што правам“, додаде американскиот претседател, веројатно мислејќи на постигнатото во првите две години од неговиот мандат.
Доколку биде реизбран, Џо Бајден ќе го заврши својот втор мандат на 86-годишна возраст.