Републиканската конгресменка Џеки Валорски загина во сообраќајна несреќа на 3 август годинава.
Таа помогна да се организира конференција за борба против гладта, каде Бајден сега се обидуваше да ја најде.
Американскиот претседател Џо Бајден е најстариот човек на таа позиција во американската историја, а критичарите не ја пропуштаат можноста да укажат на неговите бројни лапсуси кои ги припишуваат на неговата возраст.
Овој пат Бајден се најде на мета на критики откако се обиде да ја најде конгресменката Џеки Валорски во публиката на конференција за борба против гладта.
Валорски беше еден од организаторите на конференцијата и веројатно ќе присуствуваше да не загинеше во сообраќајна несреќа во август годинава.
„Џеки, дали си таму? Каде е Џеки? Мислев дека и таа ќе биде тука“, рече збунетиот Бајден од говорницата.
Џеки Валорски загина на почетокот на август во тешка сообраќајна несреќа во сојузната држава Индијана заедно со уште двајца членови на нејзиниот кабинет. Таа имаше 58 години.
Портпаролката на Белата куќа Карин Жан-Пјер се обиде да го оправда лапсусот на Бајден, велејќи дека претседателот именувал членови на Конгресот одговорни за организација на конференцијата и дека неговата прва мисла дошла до Валорски поради неговата посветеност на проблемот со гладот и дебелината.
“Jackie, are you here? Where’s Jackie?”
Biden called out a recently deceased congresswoman in remarks at a hunger conference she helped organize, addressing Indiana Republican Jackie Walorski as if she were still alive https://t.co/HRRpEeLIlE pic.twitter.com/dVsw1HjLb6
— Bloomberg Quicktake (@Quicktake) September 28, 2022