Австриската влада одлучи од 1 декември да воведе дополнителна еднодневна вињета за автопатишта и експресни патишта.
Чини 8,60 евра и е достапна само во дигитална форма.
Дополнително, цената на 10-дневна вињета се зголемува од досегашните 9,90 на 11,50 евра.
Нови цени
Дневна вињета – 8,60 евра
10-дневна вињета – 11,50 евра (претходно: 9,90 евра)
Двомесечна вињета – 28,90 евра (претходно: 29 евра)
Годишна вињета – 96,40 евра (цената не е променета)
Кој има корист од новата еднодневна вињета?
Новата дневна вињета е особено погодна за патниците во транзит: Оние кои возат по автопатиштата низ Австрија, на пример, до Италија или Словенија, ќе заштедат пари од декември – барем ако нивниот одмор не трае подолго од десет дена.
Наместо две 10-дневни вињети за вкупно 23 евра, потребни ви се само две еднодневни вињети за 17,20 евра. Затоа, заштедата е 5,80 евра, пишува списанието Феникс.
Бенефит имаат и еднодневните патници: во споредба со претходната задолжителна 10-дневна вињета, новата вињета ќе биде поевтина за 2,90 евра.
Новата еднодневна вињета има помалку смисла за туристите кои сакаат да поминат неколку дена во Австрија.
Тогаш не можат да ја избегнат поскапата вињета од 10 дена.