Загриженоста за ескалација на ситуацијата расте кај австриските безбедносни сили секој ден од војната во Украина.
Пред се поради наводниот огромен број руски шпиони во Европа, но и во Австрија, истакнува виенскиот весник „Кронен цајтунг“.
Весникот посочува дека во руската амбасада во Виена има трицифрен број шпиони.
Надлежните австриски власти беа вознемирени особено по остриот напад на официјална Москва врз политичкиот врв на Австрија поради изјавите поврзани со украинската криза.
Виена отсекогаш била сметана, поради својата географска положба, како центар на шпиони од целиот свет.
Невообичаено голем број функционери во бројни амбасади во Виена ја потврдуваат оваа теорија, а годишниот безбедносен извештај е посветен на тоа со посебен дел.
Властите стравуваат дека руските шпиони би можеле да пријават акти на саботажа или дури и политички убиства во Австрија.
Така, според „Кронен цајтунг“, во Австрија наводно има руска листа за отстрел со имиња на Украинци во егзил.